ಕುಡ್ಲದಲ್ಲಿ ಯೋಗದ ಆಚರಣೆಯ ಸಂಭ್ರಮವೇ ಬೇರೆ. ಮುಂಜಾನೆಯಲ್ಲಿ ಮಳೆರಾಯನ ದಿಢೀರ್ ಎಂಟ್ರಿಯ ಜತೆಯಲ್ಲಿಯೇ ನಾನಾ ಸಂಘಟನೆಗಳು ಯೋಗದಲ್ಲಿ ಆರೋಗ್ಯವನ್ನು ಹುಡುಕಲು ಪ್ರಯತ್ನ ಪಟ್ಟಿದ್ದು ಈಗಾಗಲೇ ಎಲ್ಲೆಡೆ ಶ್ಲಾಘನೆಗೆ ಪಾತ್ರವಾಗಿದೆ.
ಮಂಗಳೂರಿನ ಲೇಡಿಹಿಲ್ ವೃತ್ತದಿಂದ ಕೆನರಾ ಶಾಲೆಯ ವರೆಗಿನ ಎರಡು ರಸ್ತೆಯಲ್ಲೇ ಸಾವಿರಕ್ಕೂ ಅಧಿಕ ಯೋಗಪಟುಗಳು ಮುಂಜಾನೆ ಹೊತ್ತು ಯೋಗದಲ್ಲಿ ನಿರತರಾಗುವ ಮೂಲಕ ಕುಡ್ಲದ ಜನರಿಗೆ ಯೋಗದ ಬಗ್ಗೆ ಮಾಹಿತಿ, ಜಾಗೃತಿಯನ್ನು ಹುಟ್ಟುಹಾಕುವ ಕಾರ‍್ಯವನ್ನು ಮಾಡಿದರು.
