Tagged: kudlacity

ಕುಡ್ಲದ ಟ್ಯಾಲೆಂಟ್ ಹುಡುಗರ ಸೈಕಲ್

ಮುಲ್ಲರಪಟ್ಣಾದ ಮೂವರು ಹುಡುಗರು ತಯಾರಿಸಿದ ಮೂರು ಚಕ್ರದ ಸೈಕಲ್ ವಿಶ್ವದ ಎಲ್ಲೆಡೆ ಸುದ್ದಿಯಾಗುತ್ತಿದೆ. ಹೌದು ಹೈಸ್ಕೂಲ್ ಹಾಗೂ ಪ್ರೈಮರಿ ಓದುತ್ತಿರುವ ಮೂವರು ಸ್ನೇಹಿತರು ಪ್ರೌಢಶಾಲೆಯಲ್ಲಿ ಸಿಗುವ ಸೈಕಲ್‌ಗೆ ಹೊಸತೊಂದು ರೂಪ ನೀಡಿದ್ದು ಎಲ್ಲರನ್ನೂ ಆಕರ್ಷಿಸುತ್ತಿದೆ.

ಮುಲ್ಲರ್‌ಪಟ್ಣಾ ಅಜಾದ್ ನಗರದ ಉರ್ದು ಶಾಲೆಯ ಒಂಬತ್ತನೇ ತರಗತಿ ವಿದ್ಯಾರ್ಥಿಗಳಾದ ಆಶಿಮ್, ನಿಝಾಮುದ್ದೀನ್ ಹಾಗೂ ಆರನೇ ತರಗತಿಯ ಸಿನಾನ್ ಈ ತ್ರಿಬಲ್ ಚಕ್ರದ ಸೈಕಲ್ ರೂವಾರಿಗಳು.

ಒಂದು ಸೈಕಲ್‌ನ ಹಿಂದಿನ ಟೈರ್, ಚೈನ್ ಕಳಚಿ ಮತ್ತೊಂದು ಸೈಕಲ್‌ನ ಮುಂದಿನ ಗಾಲಿಯನ್ನು ಜೋಡಿಸಿ ಈ ಸೈಕಲ್ ನೋಡುವಾಗ ಒಂದು ರೀತಿ ವಿಚಿತ್ರ ಅನಿಸುತ್ತದೆ.

ವಿಶೇಷವಾದ ಐಡಿಯಾದ ಕುರಿತು ಮಕ್ಕಳು ಹೇಳುವ ಮಾತು ಹೀಗಿದೆ: ಆಟ ಆಡುತ್ತಿರುವಾಗ ಒಂದು ಸೈಕಲ್ ಪಂಚರ್ ಆಯ್ತು ಪಂಚರ್ ಹಾಕ್ಲಿಕೆ ಗೊತ್ತಿರಲಿಲ್ಲ. ನಾನು ಸುಮ್ಮನೆ ಮೂರು ಚಕ್ರದ ಸೈಕಲ್ ಮಾಡುವ ಅಂತ ಹೇಳಿದೆ. ಅದಕ್ಕೆ ಆಶಿಮ್, ನಿಝಾಮ್ ಮನೆಯಿಂದ ಸ್ಪಾನರ್ ತಂದು ಹೀಗೆ ಮಾಡಿದ್ರು ಅಂತಾನೆ ಆರನೇ ತರಗತಿಯ ಸಿನಾನ್.

ಹೊಸ ಸುದ್ದಿ

ಕುಡ್ಲ ಮುಂದಕ್ಕೆ ಬರೀ ಕಾಂಕ್ರೀಟ್ ಸಿಟಿ !

ಜಗತ್ತು ಬದಲಾಗಿದೆ ಅದರಲ್ಲೂ ಕುಡ್ಲ ಕೂಡ ಅಷ್ಟೇ ವೇಗದಲ್ಲಿ‌ ಬದಲಾಗುತ್ತಿದೆ. ಮನುಷ್ಯ ನ ಸ್ವಾರ್ಥ ದ ಬದುಕು ಎಲ್ಲಕ್ಕೂ ಕಾರಣವಾಗಿದೆ. ಗೂಗಲ್ ಅರ್ಥ್ ಈ ಎಲ್ಲ ಬದಲಾವಣೆಯನ್ನು ಸಮರ್ಥ ವಾಗಿ ದಾಖಲೆ ಮಾಡುವ ಕಾರ್ಯವನ್ನು ಮಾಡಿದೆ.
ಮಂಗಳೂರು 2004 ರಲ್ಲಿ ಎಷ್ಟು ಮರ,ಗಿಡಗಳ ಜತೆಗೆ ಹಸಿರು ತುಂಬಿದ ನಗರವಾಗಿತ್ತು. ಈ ಬಳಿಕ ಮಂಗಳೂರು 2014 ರಲ್ಲಿ ಹೇಗಿದೆ. ಈಗ ಮಂಗಳೂರಿನಲ್ಲಿ ಎಷ್ಟು ಹಸಿರಿದೆ. ಮುಂದೆ ಕುಡ್ಲ ಏನಾಗಲಿದೆ ಎನ್ನುವ ಎಚ್ಚರಿಕೆಯನ್ನು ಗೂಗಲ್ ಅರ್ಥ್ ವಿವರ ವಾಗಿ ಚಿತ್ರದ ಮೂಲಕ ವಿವರಿಸಿದೆ. ಮುಂದಿನ ದಿನಗಳಲ್ಲಿ ಹಸಿರು ಕುಡ್ಲ ಸಿಟಿಯ ಉಸಿರಾಗಲಿ.

ಹೊಸ ಸುದ್ದಿ

ಕುಡ್ಲದ ಹುಡುಗಿ ನಮ ಜಿಗ್ಗ ಫಿಯೇಟ್ !

ಕುಡ್ಲ ಸಿಟಿಯ ಹುಡುಗಿ ಮಿಹಿಕಾ ಪ್ರಿಮಿಯರ್ ಪದ್ಮಿನಿ ಫಿಯೇಟ್ ವನ್ನು ಜಿಗ್ಗ ಮಾಡಿದ್ದಾರೆ. ತುಳುವಿನ ನಮ ಜಿಗ ಎಂದರೆ ತುಂಬಾನೇ ಫೋಶ್ ಎನ್ನುವ ಅರ್ಥ.

ಹೌದು. ಮಿಹಿಕಾ ಬೇಸಿಕಲಿ ಕುಡ್ಲದ ಗೋರಿ ಗುಡ್ಡೆ ಯ ಹುಡುಗಿ ನಗರದ ಮಹಾಲಸಾದಲ್ಲಿ ವಿಶುವಲ್ ಆರ್ಟ್ ನಲ್ಲಿ ಕಲಿತು ಈಗ ಮಾಸ್ಟರ್ ಆಫ್ ವೇದಿಕ್ ಸೈನ್ಸ್ ಪದವಿಯನ್ನು ಗುಜರಾತ್ ನ ಮಹರ್ಷಿ ವೇದವ್ಯಾಸ್ ವಿವಿಯಿಂದ ಕಲಿಯುತ್ತಿದ್ದಾರೆ.

ಅಂದಹಾಗೆ ನಮ ಜಿಗ್ಗ ಎನ್ನುವುದು ಫಿಯೇಟ್ ಕಾರಿಗೆ ಮಿಹಿಕಾ ನೀಡಿದ ಹೆಸರು ಮಿಹಿಕಾ ಅಣ್ಣನಿಗೆ ಅವರ ಅಂಕಲ್ ಉಡುಗೊರೆಯಾಗಿ ಬಹಳ ವರ್ಷಗಳ ಹಿಂದೆ ನೀಡಿದ್ದರು.

ಈ ಬಳಿಕ ಅಣ್ಣ ಮದುವೆಯಾದ ಬಳಿಕ ಈ ಕಾರು ಮನೆಯ ಮೂಲೆ ಸೇರಿತು ಎಲ್ಲರೂ ಅದನ್ನು ಗುಜರಿಗೆ ಮಾರಾಟ ಮಾಡಲು ನಿರ್ಧಾರ ಮಾಡಿದರು. ಆದರೆ ಮಿಹಿಕಾಳಿಗೆ ಇದು ಇಷ್ಟ ಇರಲಿಲ್ಲ. ಅಣ್ಣನ ಪ್ರೀತಿಯ ಕಾರು ಮನೆಯಲ್ಲೇ ಇರಲಿ ಎಂದುಕೊಂಡು ತಾನೇ ತುಳುನಾಡಿನ ಯಕ್ಷಗಾನ, ಪಿಲಿವೇಶ,ಮೀನುಗಾರಿಕೆ, ತೆಂಗಿನ ಮರ ಹೀಗೆ ಹತ್ತಾರು ವಿಚಾರಗಳನ್ನು ಚಿತ್ರಿಸುವ ಮೂಲಕ ಹಳೆಯ ಫಿಯೇಟ್ ವನ್ನು ನಮ ಜಿಗ್ಗ ಆಗಿ ಬದಲಾಯಿಸಿದ್ದಾರೆ.

ಅಂದಹಾಗೆ ಮಿಹಿಕಾ ಎಂದರೆ ಅಸ್ಸಾಮೀ ಹೆಸರು. ಇದರ ಅರ್ಥ ಮುಂಜಾನೆಯ ಇಬ್ಬನಿಯಲ್ಲಿರುವ ನೀರಿನ ಬಿಂದುವಂತೆ ಮಿಹಿಕಾ ಅಜ್ಜಿ ಅದನ್ನು ಇಟ್ಟದ್ದು ಮಿಹಿಕಾ ಹೆಸರು ಮಾತ್ರ ಅಸ್ಸಾಮೀ ಆದರೆ ಮಿಹಿಕಾ ಪಕ್ಕ ತುಳುನಾಡಿನ ಪೊಣ್ಣು.

ಹೊಸ ಸುದ್ದಿ

ಮಳೆಯ ಭಯಕ್ಕೆ ಮಂಗಳ ಸ್ಟೇಡಿಯಂ ಗೆ ಟರ್ಪಲ್ ಹೊದಿಕೆ

ಕುಡ್ಲದ ಅದರಲ್ಲೂ ಜಿಲ್ಲೆಯ ಪ್ರತಿಷ್ಟಿತ ಮಂಗಳ ಸ್ಟೇಡಿಯಂ ನ ಛಾವಣಿಗೆ ಭದ್ರತೆ ಯ ದೃಷ್ಟಿಯಿಂದ ಟರ್ಪಲ್ ಹೊದಿಕೆಯನ್ನು ಹಾಕಲಾಗಿದೆ. ಈಗಾಗಲೇ ಮೇಲ್ಚಾವಣಿಯಲ್ಲಿ ಬಿರುಕುಗಳು ಕಾಣಿಸಿಕೊಂಡ ಪರಿಣಾಮ ಇಂತಹ ಕಾರ್ಯಕ್ಕೆ ಕ್ರೀಡಾ ಇಲಾಖೆ ಮುಂದಾಗಿದೆ.

ಹೊಸ ಸುದ್ದಿ

ಪಿಜಿ, ಹೋಮ್‌ಸ್ಟೇಗೆ ಸರಕಾರದ ಹೊಸ ರೂಲ್ಸ್ !

ರಾಜ್ಯದ ನಗರ ಪ್ರದೇಶದಲ್ಲಿರುವ ಪೇಯಿಂಗ್ ಗೆಸ್ಟ್(ಪಿಜಿ) ಮತ್ತು ಹೋಮ್ ಸ್ಟೇಗಳಿಗೆ ಏಕರೂಪದ ಹೊಸ ಪಾಲಿಸಿಯನ್ನು ತರುವ ಕುರಿತು ಈಗಾಗಲೇ ಕರಡು ಸಿದ್ಧವಾಗಿದೆ. ರಾಜ್ಯ ಸರಕಾರ ಅದನ್ನು ಶೀಘ್ರದಲ್ಲಿಯೇ ಜಾರಿಗೆ ತರುವ ಕುರಿತು ಚಿಂತನೆ ನಡೆಸುತ್ತಿದೆ ಎಂದು ರಾಜ್ಯ ನಗರಾಭಿವೃದ್ಧಿ ಸಚಿವ ಯು.ಟಿ.ಖಾದರ್ ಹೇಳಿದ್ದಾರೆ.

ನಗರ ಪ್ರದೇಶದಲ್ಲಿ ಸಾಕಷ್ಟು ಪಿಜಿಗಳು ನಡೆಯುತ್ತಿದೆ. ಆದರೆ ಅದಕ್ಕೆ ಯಾವುದೇ ರೀತಿಯ ನೀತಿ-ನಿಯಮಗಳು ಇಲ್ಲ. ಭದ್ರತೆ ವಿಚಾರದಲ್ಲೂ ಅಷ್ಟೇ ಈ ಕಾರಣದಿಂದ ಪಿಜಿ ಹಾಗೂ ಹೋಮ್ ಸ್ಟೇಗೆ ಸೂಕ್ತವಾದ ನೀತಿ- ನಿಯಮಗಳನ್ನು ತರುವ ಕುರಿತು ಪಾಲಿಸಿ ಮಾಡಲಾಗುತ್ತದೆ. ಈ ಮೂಲಕ ಅಲ್ಲಿನವರಿಗೆ ಭದ್ರತೆ, ಕನಿಷ್ಟ ಮೂಲಭೂತ ಸವಲತ್ತು ನೀಡುವ ಕುರಿತು ಅದರಲ್ಲಿ ಉಲ್ಲೇಖವಾಗುತ್ತದೆ.

ನಗರದ ಪ್ರದೇಶ ವ್ಯಾಪ್ತಿಯಲ್ಲಿ ಮಾದರಿ ಪಾಲಿಸಿಯನ್ನು ತರುವ ಮೂಲಕ ಭದ್ರತೆ, ಸ್ಥಳೀಯ ಸಂಸ್ಥೆಗಳಿಗೆ ಅದರ ಮಾಹಿತಿ, ಎಷ್ಟು ಪಿಜಿಗಳಿವೆ, ಮಹಿಳಾ ಪಿಜಿಗಳಿಗೆ ಇರುವ ಭದ್ರತೆ, ರೋಡ್ ಸೈಡ್‌ನಿಂದ ಎಷ್ಟು ಒಳಭಾಗದಲ್ಲಿದೆ. ಯಾವ ಪ್ರದೇಶದಲ್ಲಿ ಪಿಜಿಗಳು ಇರಕೂಡದು, ಆರೋಗ್ಯ ವಿಚಾರ, ಪಿಜಿ ಮಾಡುವವರಿಗೆ ಇತರರ ನೀಡುವ ಕಿರುಕುಳಕ್ಕೆ ಕ್ರಮ ಹೀಗೆ ಹತ್ತಾರು ವಿಚಾರಗಳು ಇದರಲ್ಲಿ ಅಡಕವಾಗಿರುತ್ತದೆ.