Author: Team Kudla City

ತುಳುನಾಡಿನ ವಿದ್ಯಾರ್ಥಿನಿ ಸಂಶೋಧನೆಗೆ ರಾಷ್ಟ್ರಪತಿಯೇ ಮೆಚ್ಚಿದರು !

ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ಡೆಂಗೆ ಜ್ವರ ಪ್ರತಿವರ್ಷನೂ ತೀವ್ರಗೊಂಡು ಹಲವು ಮಂದಿ ಮೃತಪಟ್ಟಿದ್ದಾರೆ. ಇದೇ ಒಂದು ವಿಚಾರದಿಂದ ತುಳುನಾಡಿನ ಬೆಳ್ತಂಗಡಿಯ ವಿದ್ಯಾರ್ಥಿನಿ ಸುನಿತಾ ಪ್ರಭು ಮೂರ್ಜೆ ಇದಕ್ಕೊಂದು ಪರಿಹಾರ ಕಂಡುಕೊಳ್ಳುವ ಕೆಲಸ ಮಾಡಿದರು.

ಪುಣೆಯ ಸಂಜೀವ ಹೋತ ಎನ್ನುವವರು ಜತೆಯಾಗಿಕೊಂಡು ಇಬ್ಬರು ಸೇರಿ ಸೊಳ್ಳೆ ನಿರೋಧಕ ಬಟ್ಟೆ ತಯಾರಿಸುವ ಪರಿಕಲ್ಪನೆಗೆ ಚಾಲನೆ ನೀಡಿದ್ದರು. ಅದರ ಫಲವೇ ಈ ಸಂಶೋಧನೆ. ಈ ಹೊಸ ವಿಧಾನವನ್ನು ಪುಣೆಯ ಐಐಎಸ್‍ಇಆರ್ ಸಹಕಾರದೊಂದಿಗೆ ಅನ್ವೇಷಣೆ ಮಾಡಿದ್ದು, ಅಲ್ಲೇ ಅಭಿವೃದ್ಧಿ ಪಡಿಸಿಕೊಂಡು ಅಲ್ಲೇ ಪರೀಕ್ಷೆಗೆ ಒಳಪಡಿಸಿದ್ದು, ಬಟ್ಟೆಯನ್ನು 36 ಬಾರಿ ತೊಳೆದರೂ ಶೇ.90ರಷ್ಟು ನಿರೋಧಕ ಸಾಮಥ್ರ್ಯ ಉಳಿದುಕೊಳ್ಳುವುದು ಸಂಶೋಧನೆಯಲ್ಲಿ ಸಾಬೀತಾಗಿದೆ. ಇದಕ್ಕೆ ತಗಲುವ ವೆಚ್ಚ 14 ರೂಪಾಯಿ ಮಾತ್ರ ಎನ್ನುವುದು ವಿಶೇಷ.

ವಿಜ್ಞಾನ ಸಂಶೋಧನಾ ಕ್ಷೇತ್ರದಲ್ಲಿ ನಡೆಸಿದ ಅಮೋಘ ಸಾಧನೆಗಾಗಿ ಸುನೀತಾ ಪ್ರಭು ಅವರು ಭಾರತ ಸರಕಾರದ ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆಯ ಸಚಿವಾಲಯದಿಂದ ಕೊಡ ಮಾಡುವ ಪ್ರಧಾನಮಂತ್ರಿ ಬಾಲ ಪುರಸ್ಕಾರ ಪ್ರಶಸ್ತಿಯನ್ನು ಬುಧವಾರ ರಾಷ್ಟ್ರಪತಿ ಭವನದಲ್ಲಿ ರಾಷ್ಟ್ರಪತಿಗಳಾದ ರಮಾನಾಥ್ ಕೊವಿಂದ್ ಅವರಿಂದ ಸ್ವೀಕರಿಸಿದರು.

ಹೊಸ ಸುದ್ದಿ

ಕುಡ್ಲ ಸಿಟಿ ಸರಕಾರಿ ಕಾಲೇಜು ಪರ ಬ್ಯಾಟಿಂಗ್ ಮಾಡಿದ ರಾಹುಲ್

ಭಾರತೀಯನ ಕ್ರಿಕೆಟ್ ತಂಡದ ಸದಸ್ಯ ಕೆ.ಎಲ್.ರಾಹುಲ್ ಕುಡ್ಲ ಸಿಟಿಯೊಳಗಿರುವ ಮಂಗಳೂರು ವಿಶ್ವವಿದ್ಯಾಲಯ ಕಾಲೇಜಿನ 150ರ ಸಂಭ್ರಮದಲ್ಲಿ ಭಾಗವಹಿಸಿ ಎನ್ನುವ ಪುಟ್ಟದಾದ ವಿಡಿಯೋವೊಂದು ಸಾಮಾಜಿಕ ಅಂಗಳದಲ್ಲಿ ಸಿಕ್ಕಾಪಟ್ಟೆ ಓಡಾಡುತ್ತಿದೆ. ಅದರಲ್ಲೂ ಮುಖ್ಯವಾಗಿ ಅಪ್ಪಟ ತುಳು ಹಾಗೂ ಕನ್ನಡ ಭಾಷೆಯ ಜತೆಗೆ ಇಂಗ್ಲೀಷ್‍ನ ಮಾತುಗಾರಿಕೆ ಸಾಮಾಜಿಕ ಜಾಲತಾಣದಲ್ಲಿರುವ ಮಂದಿಯಿಂದ ಲಕ್ಷಗಟ್ಟಲೆ ಲೈಕ್ಸ್ ಗಿಟ್ಟಿಸಿಕೊಂಡಿದೆ. ಹೌದು. ಟೀಂ ಇಂಡಿಯಾದ ಸ್ಟಾರ್ ಕ್ರಿಕೆಟಿಗ ಎಂದೇ ಕರೆಸಿಕೊಳ್ಳುವ ಕೆ.ಎಲ್.ರಾಹುಲ್ ಮೂಲತಃ ಮಂಗಳೂರಿನವರು ಅವರ ಬಾಲ್ಯ ಎಲ್ಲವೂ ಎನ್‍ಐಟಿಕೆಯ ಅಸುಪಾಸಿನಲ್ಲಿಯೇ ನಡೆದಿದೆ. ಎನ್‍ಐಟಿಕೆ ಶಾಲೆಯಲ್ಲಿ ಹತ್ತರ ವರೆಗೆ ಅಧ್ಯಯನ ಮಾಡಿದ ಬಳಿಕ ಮಂಗಳೂರಿನ ಸಂತ ಅಲೋಶಿಯಸ್‍ನಲ್ಲಿ ಪಿಯು ಮುಗಿಸಿಕೊಂಡು ನಂತರ ಬೆಂಗಳೂರಿನಲ್ಲಿ ಶಿಕ್ಷಣ ಮುಂದುವರಿಸಿದವರು. ವಿಶೇಷವಾಗಿ ಕುಡ್ಲದ ಕುರಿತು ರಾಹುಲ್ ಅಪಾರವಾದ ಪ್ರೀತಿ ಇರುವುದರಿಂದ ಕರಾವಳಿಯ ತುಳುವರು ಸಿಕ್ಕಾಗ ತುಳುವಿನಲ್ಲಿಯೇ ಮಾತಿಗಿಳಿಯುವ ಸ್ನೇಹ ಜೀವಿ. ಕನ್ನಡ ಭಾಷೆಯಲ್ಲೂ ಒಳ್ಳೆಯ ಮಾತುಗಾರಎನ್ನುತ್ತಾರೆ ಅವರ ತಾಯಿ ಪೆÇ್ರ. ರಾಜೇಶ್ವರಿ ಅವರು. ಅಮ್ಮನ ಪ್ರೀತಿಗೆ ಮಾಡಿದ ವಿಡಿಯೋ: ಮಂಗಳೂರು ವಿವಿಯ ಇತಿಹಾಸ ವಿಭಾಗದಲ್ಲಿ ಕಳೆದ 26 ವರ್ಷಗಳಿಂದ ಇತಿಹಾಸವನ್ನು ಬೋಧಿಸುತ್ತಿರುವ ಪೆÇ್ರ.ರಾಜೇಶ್ವರಿ ಅವರು ಕೆ.ಎಲ್.ರಾಹುಲ್ ಅವರ ತಾಯಿ. ಈ ಬಾರಿ ಮಂಗಳೂರು ವಿವಿ ಕಾಲೇಜು 150ರ ಸಂಭ್ರಮದಲ್ಲಿದೆ. ಫೆ.6ರಂದು ಇದರ ಕಾರ್ಯಕ್ರಮ ಕೂಡ ನಡೆಯಲಿದೆ. ಈ ವಿಚಾರದಲ್ಲಿ ಏನಾದರೂ ರಾಹುಲ್ ಅವರಿಂದ ವಿಡಿಯೋ ಮಾಡಿಸಿಬಿಡಿ ಎಂದು ಕಾಲೇಜಿನವರು ಕೇಳಿಕೊಂಡಿದ್ದರು. ಈ ಕುರಿತು ಪೆÇ್ರ. ರಾಜೇಶ್ವರಿ ಅವರು ಹೀಗೆ ಹೇಳುತ್ತಾರೆ ರಾಹುಲ್ ಸಿಕ್ಕಾಪಟ್ಟೆ ಬ್ಯುಸಿ ಇರುತ್ತಾನೆ. ತರಬೇತಿ, ಟೂರ್ನಿ ಎಂದು ಓಡಾಟ ಮಾಡುತ್ತಾ ಇರುತ್ತಾನೆ. ನನ್ನ ಕಾಲೇಜಿನ ಕಾರ್ಯಕ್ರಮವಿದೆ ಒಂದು ಪುಟ್ಟ ವಿಡಿಯೋ ಮಾಡಿ ಕೊಡು ಎಂದು ಕೇಳಿದ್ದೆ. ಅದಕ್ಕೂ ಮೊದಲು ಸಾಕಷ್ಟು ಬಾರಿ ಕಾಲೇಜಿಗೂ ಕರೆಯಲು ಪ್ರಯತ್ನ ಪಟ್ಟಿದ್ದೆ ಅದು ಸಾಧ್ಯವಾಗಲಿಲ್ಲ. ಈಗ ಪುಟ್ಟ ವಿಡಿಯೋವೊಂದನ್ನು ಮಾಡಿ ಕಳುಹಿಸಿಕೊಟ್ಟಿದ್ದಾನೆ ಎನ್ನುವುದು ಅವರ ಮಾತು. ಮಂಗಳೂರು ವಿವಿಗೆ 1993ರ ಪ್ರೊ.ರಾಜೇಶ್ವರಿ ಅವರು ಮಂಗಳೂರು ವಿವಿಯ ಇತಿಹಾಸ ವಿಭಾಗಕ್ಕೆ ಸೇರಿದ್ದರು. ರಾಹುಲ್ ಅವರ ತಂದೆ ಎನ್‍ಐಟಿಕೆ ಸಿವಿಲ್ ಎಂಜಿನಿಯರಿಂಗ್‍ನಲ್ಲಿ ಡಾ. ಕೆ.ಎನ್.ಲೊಕೇಶ್ ಕೆಲಸ ಮಾಡುತ್ತಿದ್ದಾರೆ. ರಾಹುಲ್ ತನ್ನ ಬಾಲ್ಯದ ಬಹಳಷ್ಟು ಸಮಯವನ್ನು ಮಂಗಳೂರಿನಲ್ಲಿ ಕಳೆದಿದ್ದಾನೆ. ಎನ್‍ಐಟಿಕೆ ಹಾಗೂ ನೆಹರೂ ಮೈದಾನದಲ್ಲಿಯೇ ರಾಹುಲ್ ಅವರ ಕ್ರಿಕೆಟ್ ಆಟಗಾರನಾಗಿ ಹೊರಹೊಮ್ಮಿದ ಎನ್ನುವುದು ಅವರ ಇತಿಹಾಸದ ಪುಟಗಳು ಹೇಳುವ ಮಾತು. ರಾಹುಲ್‍ಗೆ ತುಳು ಇಷ್ಟ: ರಾಹುಲ್ ಮಂಗಳೂರಿನಲ್ಲಿದ್ದಾಗ ಹೆಚ್ಚು ಗೆಳೆಯರು ತುಳುವಿನವರು ಆಗಿದ್ದರು. ಅವರಿಂದಲೇ ರಾಹುಲ್ ತುಳುವಿನಲ್ಲಿ ಒಳ್ಳೆಯ ರೀತಿಯಲ್ಲಿ ಮಾತನಾಡುತ್ತಾನೆ. ಯಾವುದೇ ಸಮಯದಲ್ಲಿ ತುಳುವರು ಸಿಕ್ಕರೆ ತುಳುವಿನಲ್ಲಿ ಅವರ ಜತೆಗೆ ಮಾತಿಗೆ ಇಳಿಯುತ್ತಾನೆ. ಕನ್ನಡ ಕೂಡ ಒಳ್ಳೆಯದಾಗಿ ಮಾತನಾಡುತ್ತಾನೆ. ಮಂಗಳೂರಿಗೆ 6 ತಿಂಗಳ ಹಿಂದೆ ಒಂದು ಸಲ ಎನ್‍ಐಟಿಕೆ ಕ್ವಾಟ್ರಸ್ ಗೆ ಬಂದಿದ್ದ. ನಾವೆಲ್ಲರೂ ಈಗ ಬೆಂಗಳೂರಿಗೆ ಶಿಫ್ಟ್ ಆಗಿದ್ದೇವೆ. ಅವನು ಸಮಯ ಸಿಕ್ಕಾಗ ಬೆಳಗ್ಗೆ ವಿಮಾನದಲ್ಲಿ ಬಂದು ಸಂಜೆ ಮತ್ತೆ ಹೊರಡುತ್ತಾನೆ ಎನ್ನುತ್ತಾರೆ ತಾಯಿ ರಾಜೇಶ್ವರಿ. ಮಂಗಳೂರು ವಿವಿ ಕಾಲೇಜಿನ ಪ್ರಿನ್ಸಿಪಾಲ್ ಪೆÇ್ರ.ಉದಯ ಕುಮಾರ್ ಇರ್ವತ್ತೂರು ಹೇಳುವಂತೆ ರಾಜ್ಯದಲ್ಲಿಯೇ ಮಂಗಳೂರು ವಿವಿ ಕಾಲೇಜು ಎರಡನೆ ಅತೀ ಪುರಾತನ ಕಾಲೇಜು. ಮೊದಲ ಸ್ಥಾನದಲ್ಲಿ ಬೆಂಗಳೂರಿನ ಸೆಂಟ್ರಲ್ ಕಾಲೇಜಿದೆ. 150ರ ಸಂಭ್ರಮದ ಕ್ಷಣದಲ್ಲಿ ರಾಹುಲ್ ಅವರಿಂದ ಒಂದು ಆಮಂತ್ರಣ ವಿಡಿಯೋ ಮಾಡಿಸುವ ಯೋಚನೆ ಬಂತು. ಅವರ ತಾಯಿಯಲ್ಲಿ ಹೇಳಿಸಿದೇವು ವಿಡಿಯೋ ಮಾಡಿಕೊಟ್ಟಿದ್ದಾರೆ ನೋಡುವಾಗ ಖುಷಿಯಾಗುತ್ತಿದೆ ಎನ್ನುತ್ತಾರೆ ಅವರು.

ಹೊಸ ಸುದ್ದಿ

ಕುಡ್ಲದಲ್ಲಿ ಪೊಲಿಯೋ ಹನಿ ಹಾಕಲು ಜರ್ಮನಿಯ ಅತಿಥಿಗಳು

ಎಲ್ಲಿಯ ಜರ್ಮನಿ ಎಲ್ಲಿಯ ಕುಡ್ಲ ಎಲ್ಲಿಂದ ಎಲ್ಲಿಗೆ ಸಂಬಂಧ ಮಾರಾಯ್ರೆ. ದೇಶದ ನಾನಾ ಕಡೆ ಜ.19ರಂದು ಐದು ವರ್ಷದೊಳಗಿನ ಮಕ್ಕಳಿಗೆ ಪೊಲಿಯೋ ಹನಿ ನೀಡುವ ಕಾರ್ಯಕ್ರಮ ನಡೆಯಿತು.

ಆದರೆ ಮಂಗಳೂರಿನ ಬಹುತೇಕ ಕಡೆಯಲ್ಲಿ ಜರ್ಮನಿ ಹಾಗೂ ಆಸ್ಟ್ರಿಯಾ ದವರು ಮಕ್ಕಳಿಗೆ ಹನಿ ನೀಡುವ ಜತೆಗೆ ಪೊಲಿಯೋ ಕುರಿತು ಹೆತ್ತವರಿಗೆ ಜಾಗೃತಿ ಮಾಡಲಾಗುತ್ತಿತ್ತು. 11 ಮಂದಿ ವಿದೇಶಿಯರ ತಂಡ ಪಲ್ಸ್ ಪೋಲಿಯೊ ಹಾಕುವ ಕೆಲಸವನ್ನು ಮಾಡಿದ್ದಾರೆ. ವಿಶೇಷವಾಗಿ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ರೋಟರಿ ಸಂಸ್ಥೆ ಪೋಲಿಯೊ ಗಾಗಿ ನಿಧಿ ಯೊಂದನ್ನು ಮಾಡಲಾಗಿದ್ದು ಅದರ ಮೂಲಕ ವಿದೇಶಿಯರು ಕುಡ್ಲಕ್ಕೆ ಬಂದು ಪಲ್ಸ್ ಪೋಲಿಯೊ ನೀಡುವ ಕೆಲಸ ಮಾಡಿದ್ದಾರೆ.

ಹೊಸ ಸುದ್ದಿ

ಕುಡ್ಲ ಸಿಟಿ ವಿಶ್ವದಲ್ಲೇ ಸೇಫ್ ಸಿಟಿ‌ ಮಾರಾಯ್ರೆ

ಹೊಸ ವರ್ಷದಲ್ಲಿ ವಿಶ್ವ ಪರ್ಯಟನೆ ಮಾಡುವ ಆಕಾಂಕ್ಷಿಗಳಿಗೆ, ವಿದೇಶಿ ಹೂಡಿಕೆದಾರರಿಗೆ ಸಿಹಿ ಸುದ್ದಿ ಬಂದಿದೆ. ವಿಶ್ವದ 100 ಅತೀ ಸುರಕ್ಷಿತ ನಗರಗಳ ಸಾಲಿನಲ್ಲಿ ಕಡಲನಗರಿ ಮಂಗಳೂರಿಗೆ 43ನೇ ಸ್ಥಾನ ದೊರೆತಿದೆ.

ನ್ಯೂಯಾರ್ಕ್‌ನ ಸಿಇಒ ವಲ್ಡ್ ಮ್ಯಾಗಸೀನ್ 2019ರ ಸಾಲಿನ ಅಂತ್ಯದಲ್ಲಿ ನಡೆಸಿದ ಸಮೀಕ್ಷೆಯಲ್ಲಿ ಭಾರತದ ನಗರಗಳ ಪೈಕಿ ಮಂಗಳೂರು ನಂ. 1 ಅತೀ ಸುರಕ್ಷಿತ ನಗರ ಸ್ಥಾನ ಪಡೆದಿದೆ. ಉಳಿದಂತೆ ಟಾಪ್ 100ನಲ್ಲಿ ಗುಜರಾತ್‌ನ ವಡೋದರಾ, ಕೇರಳದ ತಿರುವನಂತಪುರ ಹಾಗೂ ಕೊಚ್ಚಿ, ಗುಜರಾತ್‌ನ ಅಹಮ್ಮದಾಬಾದ್ ಹಾಗೂ ಮಹಾರಾಷ್ಟ್ರದ ನವ ಮುಂಬೈ ಸ್ಥಾನ ಪಡೆದಿದೆ. ಸಿಇಒ ವಲ್ಡ್ ಮ್ಯಾಗಸೀನ್ ನಡೆಸಿದ ಸರ್ವೆಯಲ್ಲಿ ಕಳೆದ ಮೂರು ವರ್ಷಗಳಿಂದ ಯುನೈಟೆಡ್ ಅರಬ್ ಎಮಿರೇಟ್ಸ್‌ನ ಅಬುದಾಬಿ ಮೊದಲ ಸ್ಥಾನ ಅಲಂಕರಿಸಿದೆ. ಕತಾರ್‌ನ ದೋಹಾ ಎರಡನೇ ಹಾಗೂ ಕೆನಡಾದ ಕ್ಯೂಬೆಕ್ ಸಿಟಿ ಮೂರನೇ ಸ್ಥಾನ ಪಡೆದಿದೆ.

ಉಳಿದಂತೆ ತೈವಾನ್‌ನ ತೈಪೆ, ಜರ್ಮನಿಯ ಮುನೀಚ್, ಯುಎಇಯ ದುಬೈ, ಸ್ವಿಜರ್‌ಲ್ಯಾಂಡ್‌ನ ಝೂರಿಚ್ ಹಾಗೂ ಬೆರ್ನ್, ಟರ್ಕಿಯ ಎಸ್ಕಿಸಿಹಿರ್ ಹಾಗೂ ಹಾಂಕಾಂಗ್ ಟಾನ್ 10 ಪಟ್ಟಿಯಲ್ಲಿದೆ. ಪ್ರಥಮ ಮೂರು ಸ್ಥಾನಗಳನ್ನು ಪಡೆದಿರುವ ಯುಎಇಯ ಅಬುದಾಬಿ ಶೇ.89.03, ಕತಾರ್‌ನ ದೋಹಾ ಶೇ.88.43 ಹಾಗೂ ಕೆನಡಾದ ಕ್ಯುಬೆಕ್ ಸಿಟಿ ಶೇ.85.19 ಅಂಕ ಪಡೆದರೆ ಕರ್ನಾಟಕದ ಮಂಗಳೂರು ಶೇ.74.39 ಅಂಕ ಪಡೆದು 43ನೇ ಸ್ಥಾನದಲ್ಲಿದೆ.ಅಪರಾಧ ಸೂಚ್ಯಂಕದ ಆಧಾರದಲ್ಲಿ ನಗರಗಳಿಗೆ ರೇಟಿಂಗ್ ನೀಡಲಾಗಿದೆ.

ಪ್ರಪಂಚ ಸುತ್ತುವ ಪ್ರವಾಸಿಗರು ತಮ್ಮ ಯಾತ್ರೆಯ ಮುನ್ನ ಸುರಕ್ಷತೆಯ ಬಗ್ಗೆ ಸಾಕಷ್ಟು ಮುತುವರ್ಜಿ ವಹಿಸುತ್ತಾರೆ. ತಾವು ಹೋಗುತ್ತಿರುವ ನಗರ ಪ್ರವಾಸಕ್ಕೆ ಸುರಕ್ಷಿತವೇ ಎಂಬುವುದನ್ನು ಖಾತರಿಪಡಿಸಿದ ಬಳಿಕವಷ್ಟೇ ಪ್ರಯಾಣ ಆರಂಭಿಸುತ್ತಾರೆ. ಈ ಹಿನ್ನೆಲೆಯಲ್ಲಿ ನ್ಯೂಯಾರ್ಕ್‌ನ ಸಿಇಒ ವಲ್ಡ್ ಮ್ಯಾಗಸೀನ್ ಸಮೀಕ್ಷೆಗೆ ಮಹತ್ವ ಬಂದಿದೆ. ಪ್ರಪಂಚದ ಸುರಕ್ಷಿತ ನಗರಗಳ ಸಾಲಿನಲ್ಲಿ ಮಂಗಳೂರು ಸೇರಿರುವುದು ಪ್ರವಾಸೋದ್ಯಮ ಹಾಗೂ ವಿದೇಶಿ ಹೂಡಿಕೆಗೆ ಇನ್ನಷ್ಟು ಬಲ ನೀಡಲಿದೆ.

2018ರಲ್ಲಿ ಅಮೆರಿಕದ ಚಿಕಾಗೋ ಮೂಲದ ’ದಿ ಡೈಲಿ ಮೀಲ್’ ವೆಬ್‌ಸೈಟ್ ನಡೆಸಿದ ಸಮೀಕ್ಷೆಯಲ್ಲಿ ಮಂಗಳೂರು ವಿಶ್ವದ ಅತ್ಯಂತ ಸುರಕ್ಷಿತ ನಗರದಲ್ಲಿ 31ನೇ ಸ್ಥಾನ ಪಡೆದಿತ್ತು.

ಹೊಸ ಸುದ್ದಿ

ಸರಕಾರಿ ಶಾಲೆಗೆ ಮರುಹುಟ್ಟು ನೀಡಿದ ಮಗ್ಗಿ ಮೇಡಂ

ಸರಕಾರಿ ಶಾಲೆ ಎಂದರೆ ಮೂಗು ಮುರಿದುಕೊಳ್ಳುವವರೇ ಜಾಸ್ತಿ. ಆದರೆ ಬೊಕ್ಕಪಟ್ಣ-3 ಶಾಲೆಯ ವಿದ್ಯಾರ್ಥಿಗಳ ವಿಜ್ಞಾನ ಪ್ರಯೋಗವೊಂದು ರಾಷ್ಟ್ರ ಮಟ್ಟದಲ್ಲಿಯೇ ಗುರುತಿಸಿಕೊಂಡಿರುವ ಮೂಲಕ ಅಗಸ್ತ್ಯ ಇಂಟರ್‍ನ್ಯಾಷನಲ್‍ಫೌಂಡೇಶನ್ ಈ ಮಾದರಿಯನ್ನು ಮತ್ತಷ್ಟು ಅಭಿವೃದ್ಧಿ ಮಾಡಲು ವಿದ್ಯಾರ್ಥಿಗಳಿಗೆ ಪ್ರೋತ್ಸಾಹ ನೀಡುವ ಇಂಗಿತ ವ್ಯಕ್ತಪಡಿಸಿದೆ. ಬೊಕ್ಕಪಟ್ಣ-3 ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಯ 7ನೇ ತರಗತಿಯ ಪ್ರಿಯಾಂಕಾ, ರೇಖಾ, ಪ್ರೀತಿ ಹಾಗೂ 6ನೇತರಗತಿಯ ಪಲ್ಲವಿ, ಪ್ರೇಮಾ ಜತೆಗೂಡಿ ಹಡಗಿನಲ್ಲಿ ಆಗುವ ತೈಲ ಸೋರಿಕೆಯಿಂದ ಹೊರಚೆಲ್ಲಿದ ತೈಲವನ್ನು ಯಾವರೀತಿಯಲ್ಲಿ ಮತ್ತೆ ಪಡೆದುಕೊಳ್ಳಬಹುದು ಎನ್ನುವ ವಿಚಾರದಮೇಲೆ ವಿಜ್ಞಾನದ ಒಂದು ಪ್ರಯೋಗ ರಾಷ್ಟ್ರಮಟ್ಟದ ಐನ್‍ಸ್ಟೀನ್ ಹಂಟ್ ಸ್ಪರ್ಧೆಯಲ್ಲಿ ಗಮನ ಸೆಳೆಯುವ ಜತೆಗೆಬೆಂಗಳೂರು ಮೂಲದ ಅಗಸ್ತ್ಯ ಇಂಟರ್‍ನ್ಯಾಷನಲ್‍ಫೌಂಡೇಶನ್‍ನ ಗಮನ ಕೂಡ ಸೆಳೆದುಬಿಟ್ಟಿದೆ.
ಈಸಂಸ್ಥೆಯವರು ಈ ಪ್ರಯೋಗಕ್ಕೆ ಮೆಚ್ಚಿದ್ದು ಮಾತ್ರವಲ್ಲ ಇದನ್ನುಮತ್ತಷ್ಟು ಅಭಿವೃದ್ಧಿ ಮಾಡಲು ವಿದ್ಯಾರ್ಥಿಗಳಿಗೆ ಅವಕಾಶವನ್ನುನೀಡುವ ಕೆಲಸ ಮಾಡಿದ್ದಾರೆ. ರಾಷ್ಟ್ರಮಟ್ಟದ ಸ್ಪರ್ಧೆಯಲ್ಲಿ ಗಮನಸೆಳೆದ ಮಕ್ಕಳು:ಮಂಗಳೂರಿನ ಕಾಗ್ನಿಸೆಂಟ್ ಸಂಸ್ಥೆ ತನ್ನ ಔಟ್ ರೀಚ್‍ಕಾರ್ಯಕ್ರಮದ ಮೂಲಕ ಅಲ್ಲಿನ ಸಿಬ್ಬಂದಿ ಕೆಲಸದ ಬಿಡುವಿನವೇಳೆಯಲ್ಲಿ ಪೂರ್ಣವಾಗಿ ಈ ಬೊಕ್ಕಪಟ್ಣ-3 ಶಾಲೆಯಮಕ್ಕಳಿಗೆ ಇಂಗ್ಲಿಷ್ ಕಲಿಕೆ, ನೃತ್ಯ ಸೇರಿದಂತೆ ಪ್ರತಿಯೊಂದುವಿಚಾರದಲ್ಲೂ ನೆರವಾಗುತ್ತಿದ್ದಾರೆ.
ಇದರ ಜತೆಯಲ್ಲಿಕಾಗ್ನಿಸೆಂಟ್ ಸಂಸ್ಥೆ ಶಾಲಾ ಮಟ್ಟ, ತಾಲೂಕು ಮಟ್ಟ ಹಾಗೂರಾಷ್ಟ್ರ ಮಟ್ಟದಲ್ಲಿ ಐನ್‍ಸ್ಟೀನ್ ಹಂಟ್ ಎನ್ನುವ ವಿಜ್ಞಾನ ಪ್ರಯೋಗಗಳಿಗೆ ಒಂದು ಸ್ಪರ್ಧೆ ಹಮ್ಮಿಕೊಳ್ಳುತ್ತದೆ. ಈಸ್ಪರ್ಧೆಯಲ್ಲಿ ದೇಶದ ನಾನಾ ರಾಜ್ಯಗಳಿಂದ 19 ಶಾಲೆಗಳುಭಾಗವಹಿಸಿದ್ದವು. ವಿಶೇಷವಾಗಿ ಸರಕಾರಿ ಶಾಲೆಯಾದ ಬೊಕ್ಕಪಟ್ಣ-3ವಿದ್ಯಾರ್ಥಿಗಳು ಮಳೆಕೊಯ್ಲಿನಲ್ಲಿ ಸಂಗ್ರಹವಾದ ನೀರನ್ನುಜಲಶಕ್ತಿಯಿಂದ ನೀರನ್ನು ಮೇಲೆತ್ತಿಕೊಂಡು ಕೈ ತೋಟಕ್ಕೆ ನೀಡುವ ವಿಜ್ಞಾನ ಮಾದರಿ ರಾಷ್ಟ್ರಮಟ್ಟದ ಸ್ಪರ್ಧೆಯಲ್ಲಿಬಹುಮಾನ ಪಡೆದಿತ್ತು. ಇದರ ಜತೆಗೆ ತೈಲ ಸೋರಿಕೆಯವಿಜ್ಞಾನ ಮಾದರಿ ಪ್ರದರ್ಶನದಲ್ಲಿ ಭಾಗವಹಿಸಿತ್ತು. ಅಗಸ್ತ್ಯ ಫೌಂಡೇಶನ್‍ನವರು ತೀರ್ಪುಗಾರರಾಗಿದ್ದರು. ಆನ್‍ಲೈನ್‍ಮೂಲಕ ನಡೆದ ಸ್ಪರ್ಧೆ ಯಲ್ಲಿ ಬೊಕ್ಕಪಟ್ಣ-3 ಶಾಲೆಯವಿದ್ಯಾರ್ಥಿಗಳು ತಮ್ಮ ಪ್ರಯೋಗವನ್ನು ತೋರಿಸಿಕೊಟ್ಟಿದ್ದರು.
ಅದರಲ್ಲೂ ವಿಶೇಷ ವಾಗಿ ಹಡಗಿನಲ್ಲಿ ತೈಲ ಸೋರಿಕೆಯಿಂದಮರಳಿ ತೈಲವನ್ನು ಪಡೆಯುವ ವಿಜ್ಞಾನ ಮಾದರಿಯನ್ನು ಮತ್ತಷ್ಟು ಅಭಿವೃದ್ಧಿ ಪಡಿ ಸಲು ತಾವು ಪ್ರೋತ್ಸಾಹ ನೀಡುವ ಇಂಗಿತವನ್ನು ವ್ಯಕ್ತಪಡಿಸಿದ್ದಾರೆ ಎನ್ನುತ್ತಾರೆ ಶಾಲೆಯ ಪ್ರಭಾರ ಮುಖ್ಯ ಶಿಕ್ಷಕಿ ಮಾಗ್ದೆಲಿನ್ ಶಾಲೆಗೆ ಕೈ ತೋಟದ ತರಕಾರಿ ಬೆಂಡೆ, ಬದನೆ, ಅಲಸಂಡೆ ಹೀಗೆ ತರಹೇವಾರಿ ತರಕಾರಿಗಳನ್ನು ಬೆಳೆಸಲಾಗುತ್ತಿದೆ. ಇಸ್ಕಾನ್ ಸಂಸ್ಥೆ ಮಧ್ಯಾಹ್ನದ ಊಟದ ವ್ಯವಸ್ಥೆ ಮಾಡಿದರೆ, ತರಕಾರಿಬೆಳೆದಂತೆ ಮುಖ್ಯ ಶಿಕ್ಷಕಿಯ ಉಸ್ತುವಾರಿಯಲ್ಲಿ ತರಕಾರಿ ಪಲ್ಯಗಳನ್ನು ಸಿದ್ಧಪಡಿಸಿಕೊಂಡು ಮಕ್ಕಳಿಗೆ ನೀಡಲಾಗುತ್ತದೆ. ಮತ್ತೊಂದೆಡೆ ಬಾಳೆಗೊನೆಯಿಂದ ಬಾಳೆಹಣ್ಣುಗಳನ್ನು ಮಕ್ಕಳಿಗೆ ನೀಡುವ ಕೆಲಸವಾಗುತ್ತಿದೆ.ಅಡಕೆ ಮರ, ವೀಳ್ಯದೆಲೆ ಬೆಳೆಸುವ ಉದ್ದೇಶಇಟ್ಟುಕೊಳ್ಳಲಾಗಿದೆ. ಇದರ ಜತೆಯಲ್ಲಿ ವಿದ್ಯಾರ್ಥಿಗಳಿಗೆ ಇಂಗ್ಲಿಷ್ ಕಲಿಸುವ ಕಾರ್ಯವೂ ನಡೆಯುತ್ತಿದೆ.
ವಿದ್ಯಾರ್ಥಿಗಳು ತಮ್ಮ ಸಮಸ್ಯೆಗಳಿಗೆ ಪರಿಹಾರ ಕಂಡು ಹುಡುಕುತ್ತಾ ನಂತರ ಅದನ್ನುವಿಜ್ಞಾನದ ಪ್ರಯೋಗ ರೂಪಕ್ಕೆ ಇಳಿಸಿಕೊಂಡು ಅದನ್ನೇ ಶಾಲೆಯ ಅಭಿವೃದ್ಧಿಗೆ ಬಳಸುತ್ತಾರೆ. ಜಲಶಕ್ತಿಯ ಮೂಲಕ ನೀರು ಎತ್ತುವ ಪ್ರಯೋಗವನ್ನು ಶಾಲೆಯಲ್ಲಿ ಮಾಡಲಾದ ಕೈತೋಟಕ್ಕೆ ಬೇಸಿಗೆಯಲ್ಲಿ ನೀರು ಹಾಕಲು ವಿದ್ಯುತ್ ಅಭಾವ ಇರುತ್ತದೆ. ಈ ಸಮಯದಲ್ಲಿ ಜಲಶಕ್ತಿಯ ಮೂಲಕ ನೀರು ಎತ್ತಿಕೊಡುವ ಮೂಲಕ ವಿದ್ಯುತ್ ಉಳಿತಾಯ ಮಾಡುವ ಕೆಲಸವನ್ನು ಸಮರ್ಥವಾಗಿ ಮಾಡಿದ್ದಾರೆ. -ಮಾಗ್ದೆಲಿನ್ ಪ್ರಭಾರ ಮುಖ್ಯ ಶಿಕ್ಷಕಿ, ಬೊಕ್ಕಪಟ್ಣ-3 ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆ